![समितिका सभापति यादव र सांसद किराँतीबीच भनाभन (भिडियोसहित)](https://12khari.top/uploads/posts/wefasdgg-1721903230.jpg)
काठमाडौं । अन्तर्राष्ट्रिय सम्बन्ध र पर्यटन समितिको बैठकमा सभापति राजकिशोर यादव र नेकपा (माओवादी केन्द्र)का सांसद सुदन किराँतीबीच भनाभन भएको छ । बिहीबार समितिको बैठकमा सभापति यादवले सांसद किराँतीलाई बोल्न समय दिएका थिए ।
किराँतीले १२ मिनेटभन्दा बढी समय बोलिसकेपछि एमसीसीबारे धारणा राख्न थाले । उक्त विषयलाई रोकेर यादवले प्राविधिक कुरामा जान आग्रह गरे ।
सभापतिको आग्रहपछि किराँतीले एजेन्डा धेरै राख्ने अनि बोल्न नदिने भन्दै आपत्ति जनाए ।
सभापति यादव र सांसद किराँतीबीचको सवालजवाफ पढ्नोस्–
सांसद सुदन किराँती – हुन त सार्वभौमसत्ताको कुरा गर्दा हिजो एमसीसी पनि त्यसैअन्तर्गत गयो त हाम्रो देश । सडकमा रक्तपात भयो, राँकेजुलुस भयो । देश आन्दोलित भयो । सार्वभौमसत्ता त्यति कमजोर छैन होला । तर, अहिले कसले हात हाल्ने, कसले काम गर्ने परिस्थिति पनि त्यस्तै छ ।
सभापति राजकिशोर यादव – माननीयज्यू, एकपटक समयको...
किराँती – के गर्नु, एजेन्डा राखिहाल्नुभयो, एजेन्डामा त बोलिसकौँ न ।
यादव – टेक्निकल कुरा राखौँ ।
किराँती – टेक्निकल त म कसरी राखौँ, राजनीतिक मान्छे !
किराँती – राजनीतिक व्यक्ति म, टेक्निकल कुरा त, कुनचाहिँ जहाज कति घण्टा उडाएर त्यसको रिसाइक्लिङ कहिले हुन्छ म सक्दिनँ नि त । विषयमा नीतिकेन्द्रित भन्नु न सभापतिज्यू । कसरी टेक्निकल्ली, टेक्निकल्ली भन्नुहुन्छ, म त जान्दिनँ टेक्निकल्ली । म त पाइलट पनि परिनँ ।
यादव – यहाँ टेक्निकल विषयमा बहस हुने हो ।
किराँती – राजनीतिक मान्छेले के गर्छ त ?
यादव – ठिक छ, यहाँ विषयमा केन्द्रित होऊँ न ।
किराँती – केमा गर्दै छु त म !
यादव – तपाईं राजनीति...
किराँती – सभापतिज्यू, तपाईंले कसरी राख्नुभयो, राखेकै कुरामा म छलफल गरिरहेको छु ।
यादव – त्यही गरौँ न त । समय यहाँ कम छ ।
किराँती – एजेन्डा किन राख्नुभएको त ?
यादव – कुरा राख्नु त भयो नि, विषयमा अलिकति केन्द्रित होऊँ न ।
किराँती – म विषयभन्दा कसरी बाहिर गएँ ? तपाईंले पो बुझ्ने समस्या भयो त यो ।
यादव – माननीयज्यू, तपाईं अलिकति हद पार गर्दै हुनुहुन्छ, तपाईंले यहाँ...
किराँती – तपाईं यहाँ दोहोरो संवाद गरेर नष्ट गर्ने, धेरै एजेन्डा राख्ने ।
यादव – तपाईं यहाँ...
किराँती – एजेन्डामा हामी बोल्न नपाउने ? के हो यो !
यादव – तपाईंलाई...
किराँती – तपाईं हठी कि म हठी ?
यादव – म कुरै...
किराँती – फेरेर कुरा गर्नुहुन्छ ।
यादव – तपाईं समयलाई ध्यान दिनु ।
किराँती – सभापतिज्यू, कोर्डिनेसन गर्नुस् ।
यादव – होइन, समयलाई त ध्यान दिनु...
किराँती – तपाईंले नयाँ मन्त्री छ त किन यति चार/चारवटा गर्नुभयो त ?
यादव – किन गरिँदैन ?
किराँती – मलाई बोल्न दिँदा किन तपाईं रोक्नुहुन्छ ?
यादव – विषयमा राख्नुस् न ।
किराँती – यत्रो पढ्नै थियो, अझै मैले छोट्ट्याउन खोजेको ।
यादव – विषयमा राख्नुस् न ।
किराँती – म त छोट्ट्याउँदै छु, विषयकेन्द्रित नभए के हो यो ? अरू माननीयजतिले त मैले बोलेकै छैन त । ठिक छ मन्त्रीज्यू, म बोलिनँ । तपाईंको पनि... टेप लाएर...
यादव – माननीय हरि उप्रेतीलाई...
सांसद हरि उप्रेती – कारण कसले पहिल्याउने ? थोत्रा प्लेनको, पाइलटको, को–पाइलटको कारण कि गुगलको कारण ? यो विषय पहिला छुट्ट्याउन जरुरी छ जस्तो लाग्छ मलाई ।
किराँती – सभापतिज्यू, म लागेँ । तपाईंले आज धम्क्याउन बोलाउनुभएको रहेछ, धन्यवाद ।
उप्रेती – कसैले पनि धम्क्याएको छैन, बसौँ माननीयज्यू ।
किराँती – म बस्दिनँ ।
उप्रेती – यति गम्भीर विषय छ, देशको स्थिति ।
किराँती (झर्किंदै) – गम्भीर विषयमा त कुरा राख्न पाउनुपर्यो नि !
उप्रेती – राख्नुभयो त त्यत्रो...
किराँती – तपाईंले मलाई रुलिङ गर्ने कि उहाँले गर्ने ? तपाईं फेरि रुलिङ गर्न थाल्ने ?
सांसदहरू – बसौँ न माननीयज्यू ।
उप्रेती – राम्रो विषय राख्नुभएको छ भन्दै छु त ।
किराँती – एजेन्डामा कुरा गर्न नदिने भए किन एजेन्डा राख्नुभयो ? म त छोट्ट्याउँदै थिएँ ।
सभापति यादव – यसलाई कन्टिन्यु गरौँ ।
किराँती – अरूलाई बोल्न भारी दिने, मलाई टेक्निकल कुरा गर् भन्ने !
यादव – बसौँ बसौँ ।
किराँती – म थोडी इन्जिनियर पढेको हो ! म राजनीति गरेर आएको हो । तपाईं गर्नुस् टेक्निकल कुरा, छानबिन पनि तपाईं गर्नुस् । तपाईं दाहिने झर्यो कि देब्रे झर्यो हेर्नुस् । कस्तो बोल्नु दिनु हुन्न !
यादव – हरि उप्रेतीज्यू बोल्नुस् ।
(न्युज एजेन्सी नेपाल)