काठमाडौं । प्रधानमन्त्री केपी शर्मा ओलीले भारत सरकारसँग कूटनीतिक पहलमार्फत सीमा समस्या समाधान गरिने बताएका छन् ।

सोमबार प्रतिनिधिसभा बैठकमा सांसदका प्रश्नको जवाफ दिँदै उनले भने, “सुगौली सन्धि, विभिन्न नक्सा, ऐतिहासिक तथ्य तथा प्रमाण समेतका आधारमा सीमा समस्यालाई भारत सरकारसँग वार्ता र कूटनीतिमार्फत समाधान गर्ने नेपाल सरकारको निरन्तर अडान र प्रतिबद्धता रहिआएको छ । सोहीअनुरूप हाम्रो सक्रिय पहल रहने कुरा म स्पष्ट पार्न चाहन्छु ।”

०८० पुस १९ गते सम्पन्न परराष्ट्रमन्त्रीस्तरीय नेपाल–भारत संयुक्त आयोगको सातौँ बैठकमा समेत सिमानाका विषयमा छलफल गरिएको उनले उल्लेख गरे । त्यति बेला नेपाल–भारत सीमाको बाँकी खण्डका काम छिटोभन्दा छिटो सम्पन्न गर्ने प्रतिबद्धता व्यक्त गरिएको उनले बताए ।

यस दिन प्रतिनिधिसभा बैठकमा नौ सांसदले प्रधानमन्त्रीलाई प्रश्न सोधे ।

प्रश्नोत्तरको पूर्णपाठ पढ्नोस्–