काठमाडौं । नेपाली कांग्रेसका महामन्त्री गगनकुमार थापाले कांग्रेसभित्र पठन संस्कृतिलाई अभिन्न अंग बनाउनुपर्ने बताएका छन् । 

वीपी कोइरालाको ४२ औं स्मृति दिवसका अवसरमा कांग्रेस पार्टी कार्यालयमा केन्द्रीय पुस्तकालयको शुभारम्भ कार्यक्रममा उनले पुस्तकालयमार्फत अध्ययनका लागि नयाँ पुस्तालाई प्रेरित गर्नुपर्ने बताए ।  

थापाले पुस्कालयमा वीपी कोइरालाले हातले लेखेको चिठ्ठीलगायत महत्वपूर्ण दस्तावेज राखिएको जानकारी दिए । उनले पुस्तकालयमा अझै धेरै पुस्तक थप्दै जाने बताए । 

पुस्तकालय शुभारम्भ गर्दै कांग्रेसका सभापति शेरबहादुर देउवाले पुस्तकालयमा ३० हजारभन्दा बढी पुस्तक रहेको जानकारी दिए ।

सभापति देउवाले राजनीतिका साथै साहित्यमा पनि वीपीले पुर्याएको योगदानको चर्चा गरे । 

पुस्तकालयमा जोकोही पनि गएर अध्ययन गर्न सकिने कांग्रेसले जनाएको छ ।