काठमाडौं । हास्य टेलिचलचित्र ‘सक्किगोनि’को निर्माण टिमले कथानक चलचित्र निर्माणको औपचारिक घोषणा गरेको छ । कलाकार कुमार कट्टेलको जन्मदिनको अवसर पारेर चलचित्र ‘लाज शरणम्’को निर्माणकाे औपचारिक घोषणा गरिएको हो । 

चलचित्र कुमारले निर्देशन गर्नेछन् । कथा पनि उनी स्वयंले लेखेका छन् । नवीन श्रेष्ठ निर्माता र रामनरेश शाह सह–निर्माताको रूपमा रहनेछन् ।

चलचित्रमा अर्जुन घिमिरे (पाँडे), सागर लम्साल (बले) कमलमणि नेपाल (खुपिका बाउ), माला लिम्बू, विजय बराल र मुकुन्द श्रेष्ठको मुख्य भूमिका रहनेछ । मुकुन्द श्रेष्ठले १२ वर्षपछि चलचित्रमा पुनः काम गर्न लागेका हुन् । 

चलचित्र फागुन १४ प्रदर्शनमा ल्याउने तयारी रहेको निर्माणपक्षले जनाएको छ ।