काठमाडौं । मधेस सरकारमा नेपाली कांग्रेस पनि सहभागी हुने भएको छ । नेपाली कांग्रेसबाट चार जनाले आजै मन्त्रीको शपथ लिँदै छन् ।

कांग्रेसले आफ्नै नेतृत्वमा सरकार गठनको प्रयास थालेपछि जनमत पार्टीबाट मुख्यमन्त्री बनेका सतिशकुमार सिंहले वार्ता थालेका थिए । अर्थसहित चार मन्त्रालय दिने सहमतिपछि कांग्रेस जनमत नेतृत्वको सरकारमा जान तयार भएको हो ।

नेपाली कांग्रेस संसदीय दलले सरकारमा सहभागी हुने मन्त्रीहरूको नाम पनि टुंगो लगाएको छ । संसदीय दलको निर्णय अनुसार सांसद जितेन्द्र यादव ‘सुनिल’ले अर्थ मन्त्रालय, जनार्दन सिंहले कृषि तथा सहकारी, शेषनारायण यादवले ऊर्जा तथा खानेपानी र कौशल किशोर रायले श्रम तथा यातायात मन्त्रालयको नेतृत्व गर्ने छन् ।

“आजै शपथको तयारी हुँदै छ,” अर्थमन्त्रीको शपथ लिने तयारीमा रहेका यादवले बाह्रखरीसँग भने ।