काठमाडौं । परराष्ट्र सचिव सेवा लम्साल आज (बुधबार) भारतको नयाँदिल्ली जाँदै छिन् । नयाँदिल्लीमा यही असार २७–२८ गतेसम्म आयोजना हुने दोस्रो विमस्टेक विदेश मन्त्रीहरूको रिट्रिटमा सहभागी हुने नेपाली प्रतिनिधिमण्डलको नेतृत्व गर्दै उनी त्यसतर्फ जान लागेकी हुन् ।

परराष्ट्रमन्त्री नारायणकाजी श्रेष्ठ विमस्टेक रिट्रिटमा नजाने भएपछि परराष्ट्र सचिव लम्साल नेपाली प्रतिनिधिमण्डलको नेतृत्व गर्दै नयाँदिल्ली जान लागेकी हुन् । 

देशमा सत्तासमीकरणमा फेरबदल भएपछि परराष्ट्रमन्त्री श्रेष्ठ रिट्रिटमा नजाने भएका हुन् । रिट्रिट हुने दिन प्रधानमन्त्री पुष्पकमल दाहाल ‘प्रचण्ड’ले संसद्मा विश्वासको मत लिँदै छन् । 

रिट्रिटमा विमस्टेक सदस्य राष्ट्रबीच पारस्परिक हित र सहमति भएका क्षेत्रीय सहयोग र साझेदारीलाई थप सुदृढ बनाउने विषयमा छलफल हुने परराष्ट्र मन्त्रालयले जनाएको छ ।

सो अवसरमा विमस्टेक सदस्य राष्ट्रका विदेशमन्त्री तथा प्रतिनिधिमण्डलका प्रमुखहरूले भारतका प्रधानमन्त्री नरेन्द्र मोदीसँग संयुक्त भेटवार्ता गर्ने कार्यक्रम छ । परराष्ट्र सचिव लम्साल जेठ २९ गते स्वदेश फर्कनेछिन् ।