काठमाडौ । ब्रिटिस युवा टेनिस स्टार इम्मा राडुकानु विम्बल्डनको तेस्रो चरणमा प्रवेश गरेकी छन् । उनले वाइल्ड कार्डबाट प्रतियोगितामा सहभागिताको अवसर पाएकी थिइन् ।

राडुकानुले बेल्जियमकी एलिसे मार्टेन्सविरुद्ध सोझो सेटमा जित निकाल्दै तेस्रो चरणमा स्थान बनाएकी हुन् । उनी मार्टेन्सविरुद्ध ६–१ र ६–२ को सेटमा विजयी भइन् । सन् २०२१ मा यूएस ओपन जितेयता राडुकानु पहिलोपटक ग्रान्डस्लामको तेस्रो चरणमा प्रवेश गरेकी हुन् ।

विश्व वरीयताको १३५औँ स्थानमा रहेकी राडुकानुले अब चौथो चरणमा प्रवेशका निम्ति ग्रीसकी मारिया साकारियाविरुद्ध खेल्नेछिन् । नवौँ वरीयताकी साकारियाले दोस्रो चरणमा नेदरल्यान्ड्सकी अरान्सा रसविरुद्ध ७–५ र ६–३ को सोझो सेटमा जित निकालेकी थिइन् ।