काठमाडौं । शिक्षा, विज्ञान तथा प्रविधिमन्त्री सुमना श्रेष्ठले विद्यालयको गुणस्तर सुधार गर्न तीनै तहका सरकार र विद्यालय व्यवस्थापन मिलेर काम गर्न जरुरी रहेको बताएकी छन् । ०८० को एसईईको नतिजाबारे उनले यस्तो बताएकी हुन् ।

५२ प्रतिशत विद्यार्थी ननग्रेडिङ (एनजी) हुनुमा शिक्षा क्षेत्रका कुनै पनि संयन्त्र उम्कने ठाउँ नभएको उनले उल्लेख गरिन् । विगत लामो समयदेखि शिक्षा क्षेत्रको बेथिति र विद्यालयमा राजनीतिकरणको असर यो वर्षको एसईई नतिजामा देखिएको उनको भनाइ थियो ।

उनले एसईई नतिजाको जिम्मेवारी सबैले लिनुपर्नेमा जोड दिइन् ।

शिक्षामन्त्री सुमना श्रेष्ठसँग न्युज एजेन्सी नेपालले गरेको कुराकानीको अंश पढ्नोस्–
एसईईको रिजल्टको जिम्मेवारी सबैले लिनुपर्छ । संघीय तहमा आवश्यक नीति–नियमहरू छन् कि छैनन् ? प्रदेश र स्थानीय तहमा साझा सूचीमा राखेको छ, त्यसको अख्तियारी छ वा छैन, संघीय सरकारले हेर्ने विषय हो । पाठ्यक्रम भारी छ कि छैन, एसईईको नतिजापछि शिक्षा मन्त्रालयमा तीनपटक बैठक बस्यौँ । शिक्षा मन्त्रालयको कानुन र प्रशासनबाहेक अन्य विभागमा शिक्षा सेवाबाट मात्रै आउन सक्छन् । यो मन्त्रालयमा भएका साथीहरू अरू मन्त्रालयमा जान पाउँदैनन् । अरू मन्त्रालयका कर्मचारीहरू शिक्षक सेवा पास नगरी आउन पाउँदैनन् । स्थायी सरकारको पनि सुपर स्थायी मन्त्रालय हो । यसले नतिजा नदिएपछि मैले दुई कुरा विशेष रूपमा भनेको छु– एउटा, रिर्फम टिमको लागि ओएनएम गर्नुपर्‍यो । शिक्षण सिकाई हेर्ने विभाग सर्वेमा विज्ञ चाहियो । मन्त्रालयमा पहिलो सुधार गरेको छु । पाठ्यक्रमलाई सुधार (रिभाइज) गर्नको लागि कार्ययोजना माग गरेको छ । पाठ्यक्रमलाई बजारमा जोड्नको लागि समाजसँग पाठ्यक्रम थालनी गरिसकेका छौँ । पाठ्यक्रम बाइलोजिकल रूपमा मात्रै भएको छ । समाजलाई चेतनामूलक बनाउने गरी भएको छैन । हामीले विगतका रिजल्टहरूलाई हेर्दा पनि जुन स्कुलमा प्रधानाध्यापक राम्रो भएको ठाउँमा एसईईको रिजल्ट राम्रो गरेको छ । विद्यालयको प्रधानाध्यापकको लागि निश्चित सेवा आयोग बनाउने हो कि ! त्यसको लागि शिक्षा सेवा आयोगको नियमावली परिर्वतन गर्दै छौँ । अर्थ मन्त्रालयले शिक्षा मन्त्रालयललाई दरबन्दी नदिएको अवस्थामा एक हजार ९०० जनाको दरबन्दी मिलान गर्न बाँकी छ । प्रधानाध्यापक दरबन्दीमा आर्थिक भार पर्ने भएकाले तीनै तहका सरकारले व्यहोर्ने हो भने कमजोर नतिजा ल्याएका विद्यालयहरूमा सक्षम प्रधानाध्यापक नियुक्ति गर्न सक्छौँ । विद्यालयहरूले परीक्षाको भन्दा पनि सिकाइको नतिजा राम्रो ल्याउनुपर्छ । जुन निकायले जे नियम कार्यान्वयन गर्नुपर्ने हो, कार्यान्वयनको लागि निर्मम भएर लाग्नुपर्छ । राजनीतिमा लागेको शिक्षकलाई प्रदेश, स्थानीय तह र व्यवस्थापन समितिले हटाउन सक्नुपर्छ । अहिलेको एसईईको नतिजालाई देखाएर उम्कने छुट कसैलाई पनि छैन । शिक्षा क्षेत्रका हरेक संयन्त्रले काम गर्न सके शिक्षा क्षेत्रमा सुधार हुन्छ ।