देश
![सर्लाहीमा चट्याङ लागेर महिलाको मृत्यु](https://12khari.top/uploads/posts/chatyangg16531780461687745410.jpg)
बरहथवा (सर्लाही) । सर्लाहीमा चट्याङ लागेर एक महिलाको मृत्यु भएको छ । चट्याङ लागेर गम्भीर घाइते भएकी वाग्मती नगरपालिका–१ की ६४ वर्षीया गोमा आले मगरको उपचारका क्रममा मृत्यु भएको हो ।
आज बिहान आफ्नै खेतमा काम गरिरहेको अवस्थामा चट्याङ लागेर घाइते भएकी थिइन् । उनको उपचारका क्रममा पर्साको वीरगञ्जमा मृत्यु भएको जिल्ला प्रहरी कार्यालयका प्रवक्ता एवं प्रहरी नायब उपरीक्षक दीपक श्रेष्ठले जानकारी दिए ।
यसैबीच, चट्याङबाट लालबन्दी नगरपालिका–१७ गैरी टोलका मंगल कामीको घरमा क्षति पुगेको छ । यस्तै, बुधबार परेको चट्याङबाट ईश्वरपुर नगरपालिका–१३ र १६ का ६ घरमा क्षति पुगेको प्रहरीले जनाएको छ । रासस
![Global Ime bank](https://baahrakhari.com/uploads/bigyaapan/30885600.gif)
प्रकाशित मिति: शुक्रबार, असार १४, २०८१ १८:४४
प्रतिक्रिया दिनुहोस्