![एसईई नतिजा : जीपीए २.८ देखि ३.२ ल्याउने सबैभन्दा धेरै, कुनमा कति ?](https://12khari.top/uploads/posts/see1-1719465135.jpg)
काठमाडौं । वर्ष २०८० को माध्यमिक शिक्षा परीक्षा (एसईई)मा सबैभन्दा धेरै ७८ हजार ८७४ परीक्षार्थी जीपीए २.८० देखि ३.२० ल्याएर उत्तीर्ण भएका छन् । राष्ट्रिय परीक्षा बोर्डले बिहीबार सार्वजनिक गरेको नतिजामा यस्तो तथ्यांक उल्लेख छ ।
परीक्षामा सहभागी चार लाख ६४ हजार ७८५ मध्ये जीपीए ३.६० देखि ४ सम्म ल्याउने परीक्षार्थीको संख्या ३१ हजार २०९ छ ।
३.२० देखि ३.६० सम्म जीपीएसहित ६८ हजार २५६ र जीपीए २.८० देखि ३.२० ल्याएर ७८ हजार ८७४ परीक्षार्थी उत्तीर्ण भएका छन् ।
जीपीए २.४० देखि २.८० सम्म ल्याउने परीक्षार्थी ४१ हजार १७७ छन् ।
![Global Ime bank](https://baahrakhari.com/uploads/bigyaapan/30885600.gif)
दुई हजार ९५० परीक्षार्थीले जीपीए २.० देखि २.४० ल्याएका छन् । ६ परीक्षार्थीले जीपीए १.६ देखि २ सम्म ल्याएका छन् ।
दुई लाख ४२ हजार ३१३ परीक्षार्थी ‘नन ग्रेडेड’मा परेका बोर्डका अध्यक्ष महाश्रम शर्माले जानकारी दिए ।
योपटकको एसईईमा दुई लाख ३३ हजार २७० छात्र र दुई लाख ३१ हजार ५०३ छात्रा सहभागी थिए ।