काठमाडौं । आईसीसी ट्वान्टी २० विश्वकपको पहिलो सेमिफाइनलमा अफगानिस्तानले दक्षिण अफ्रिकाविरुद्ध पहिले ब्याटिङ गर्ने भएको छ ।

बिहीबार टारोउबामा हुने खेलका लागि भएको टस जितेर अफगानी कप्तान राशिद खानले ब्याटिङको निर्णय गर्दै दक्षिण अफ्रिकालाई फिल्डिङमा निम्त्याएका हुन् ।

प्रतियोगितामा दक्षिण अफ्रिका सुपर–८ को समूह–२ को विजेताका रुपमा सेमिफाइनल आएको हो । अफगानिस्तान भने समूह–१ को उपविजेता हो ।

आजको खेलमा जित निकाल्ने टिमले विश्वकपको उपाधिका निम्ति भारत र इंग्ल्यान्डबीचको विजेतासँग खेल्नेछ । दोस्रो सेमिफाइनल खेल पनि आज राति नै हुने तालिका छ ।