site stats
बाह्रखरी :: Baahrakhari
देश
Global Ime bankGlobal Ime bank
भैँसेपाटीमा गुन्डागर्दी गर्नेबाट व्यवसायी मनोज बानियाँमाथि खुँडा प्रहार : को–को छन् संलग्न ?

काठमाडौं । ललितपुरको चुनिखेलमा भएको खुकुरी प्रहार घटनामा गुन्डागर्दी गर्ने समूहले व्यवसायीमाथि खुँडा प्रहार गरेको खुलेको छ । शुक्रबार दिउँसो चुनिखेलमा निर्माणाधिन मनोज बानियाँको रिसोर्टमै उनीमाथि ज्यान मार्ने उद्देश्यले खुँडा प्रहार भएको थियो । खुँडा प्रहारबाट घाइते मनोजको नख्खुस्थित मेडिसिटी अस्पतालमा उपचार भइरहेको छ ।

उनको बायाँ हात छिनालिनबाट थोरै मात्रै जोगिएको छ भने दायाँ खुट्टा र तिघ्रामा समेत गहिरो घाउ छ । घटनाको चार दिन बित्दा पनि घटनामा संलग्न मुख्य आरोपी पक्राउ परेका छैनन् । घटनामा संलग्न तीनजनालाई भने प्रहरी प्रक्राउ गरेको छ ।

पक्राउ पर्नेहरूमा सुरेन्द्र महर्जन, लालबहादुर तामाङ र एकजना मुख्य अरोपीका सवारी चालक छन् । घटनाको अनुसन्धानका लागि उपत्यका अपराध अनुसन्धान कार्यालयको टोली र ललितपुर प्रहरीको विशेष टोली खटिएको छ ।

प्रहरीको प्रारम्भिक अनुसन्धानअनुसार घटनाका मुख्य योजनाकार भैँसेपाटीस्थित गोकुल आवासका राजेश केसी हुन् । उनकै योजनामा दीपक वान्तावा, स्नोप भण्डारी र धराने भन्ने दर्शन लिम्बूले बानियाँमाथि खुँडा प्रहार गरेका थिए ।

राजेश विभिन्न आपराधिक गतिविधिमा संलग्न पूरा नै पटके हुन् । जग्गासम्बन्धी कारोबार गर्दै आएका राजेश र बानियाँबीच जग्गाकै विषयमा केही दिन अघि समेत हानहान भएको प्रहरीको अनुसन्धानबाट खुलेको छ ।

त्यहीँ रिसइबीका कारण राजेशले वान्तावासहितका समूहलाई सुपारी दिएर हान्न प्रयोग गरेको खुलेको छ ।वान्तावासहितको समूह सुपारी लिएर काम गर्ने गिरोह नै रहेको प्रहरीको दाबी छ ।

पछिल्लो समय प्रहरीले गुन्डागर्दी गर्ने समूहमाथि निर्मम भएर इन्काउन्टर नै गर्न थालेको थियो । २०७१ मा धादिङका दिनेश अधिकारी ‘चरीे’ र त्यसपछि नुवाकोटका कुमार श्रेष्ठ उर्फ ‘घैंटे’लाई प्रहरीले काठमाडौंमै इन्काउन्टर गरेको थियो ।

योक्रम रोकिएसँगै इन्काउन्टरको भयले लुकिछिपी बस्दै आएका गुण्डाहरू फेरि सक्रिय हुन थालेको प्रहरीको विश्लेषण छ । राजेशसहित खुँडा प्रहार गर्ने तीनजना नै फरार छन् । 

उनीहरू काठमाडौं बाहिर भागेको आशंका प्रहरीको छ । उपत्यका अपराध अनुसन्धान कार्यालयले घटनालाई गम्भीर रूपमा हेरेको र सोहीअनुसार फरार आरोपीहरुको खोजी तीव्र पारिएको कार्यायका एसपी अंगुर जीसीले जानकारी दिए ।

“मध्य दिउँसो नै मार्ने उद्देश्यले खुँडा प्रहार हुनु गम्भीर कुरा हो । हामी घटनामा संलग्नहरूको पुरानो रेकर्ड पनि हेर्दै छौँ,” एसपी जीसीले भने । घटनाको अनुसन्धान गर्न कार्यालयले दुईजना डीएसपीको नेतृत्वमा टोली परिचालन गरेको छ ।

ललितपुर जिल्लाको घटना भएका कारण ललितपुर प्रहरीको विशेष टोलीसमेत परिचान भएको छ ।
 

प्रकाशित मिति: सोमबार, असार १०, २०८१  १३:१८
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro