किभिभ । रुसले युक्रेनको उर्जा पूर्वाधार क्षेत्रमा भीषण आक्रमण गरेको छ । शनिबार राति सो आक्रमण भएको जनाइएको छ । गएको तीन महिनामा उर्जा पूर्वाधार क्षेत्रमा रुसले गरेको यो आठौँ आक्रमण भएको युक्रेनकोे उर्जा मन्त्रालयले जनाएको छ ।

एयर डिफेन्स सिस्टममार्फत १६ मध्ये १२ मिसाइल र १३ वटा ड्रोन उर्जा पूर्वाधार क्षेत्रमा प्रहार गरिएको युक्रेनको एयर फोर्सले जनाएको छ । शनिबार अबेर युक्रेनको उत्तर पूर्वी क्षेत्र खार्किभमा रुसले प्रहार गरेको बमबाट तीनजना मारिएको र कम्तीमा १८ जना घाइते भएको जनाइएको छ । कम्तीमा चार वटा विस्फोटन सहरमा सुनिएको समेत युक्रेनी पक्षको भनाइ छ ।

नागरिकको पूर्वाधार क्षेत्रमा भएको यो एउटा आतंककारी आक्रमण भएको जनाइएको छ । त्यहाँ कुनै सैन्य चासोको विषय नभएको खार्किभका क्षेत्रीय गभर्नर ओलेह सिनिहुबोभले बताएका छन् ।

रातारात गरिएको सो आक्रमणमा दुईजना उर्जासम्बन्धी कर्मचारी घाइते भएको र केही उपकरणमा क्षति भएको युक्रेनी अधिकारीहरूले जनाएका छन् । दक्षिण पश्चिम क्षेत्रमा पनि एउटा घर र किन्डरगार्टेनमा क्षति भएको उनीहरूको भनाइ रहेको छ । बीबीसी