विराटनगर । मोरङको ग्रामथान गाउँपालिकाका अध्यक्ष जयप्रकाश गच्छदारको निधन भएको छ ।‌
चार महिनाअधि मस्तिष्क पक्षघात भएर थलिएका उनको सोमबार दिउँसो निधन भएको हो ।

नेपाली कांग्रेस मोरङका उपसभापति भक्तिनाथ माझीले मंगलबार उनको अन्तिम संस्कार गरिने जानकारी दिए ।

राष्ट्रियसभा निर्वाचनमा मत दिन विराटनगर आउँदा उनी बेहोस भएका थिए । उनलाई अर्धचेत अवस्थामा एक महिनायता ग्रामथानस्थित घरमै राखिएको थियो ।

उनी गम्भीर बिरामी परेपछि चार महिनादेखि उपाध्यक्ष गुणवर्तीदेवी थारूले कार्यवाहक अध्यक्षको जिम्मेवारी सम्हाल्दै आएकी थिइन् ।