काठमाडौं । आईसीसी ट्वान्टी–२० विश्वकपमा बंगलादेशविरुद्ध नेदरल्यान्ड्सले पहिले फिल्डिङ गर्ने भएको छ ।

बिहीबार किंग्सटाउनमा हुने खेलका लागि भएको टस जितेर नेदरल्यान्ड्सका कप्तान स्कट एड्वार्ड्सले फिल्डिङको निर्णय गर्दै बंगलादेशलाई ब्याटिङमा निम्त्याएका हुन् । वर्षाका कारण खेलको टस करिब आधा घण्टा ढिलो भएको हो ।

प्रतियोगितामा दुवै टिमको यो तेस्रो खेल हो । दुवै टिम आज दोस्रो जितको खोजीमा छन् । दुई खेलबाट समान दुई अंक नै जोडेका बंगलादेश र नेदरल्यान्ड्स क्रमशः दोस्रो र तेस्रो स्थानमा छ ।