काठमाडौं । काठमाडौं विश्वविद्यालय (केयू)ले झापास्थित बीएन्डसी मेडिकल कलेजलाई एमबीबीएस कार्यक्रम सञ्चालन गर्न ‘ससर्त’ सम्बन्धन दिएको छ । आइतबार (हिजो) बसेको कार्यकारी परिषद्को बैठकबाट सम्बन्धन दिने निर्णय गरिएको केयूका रजिस्ट्रार अच्युत वाग्लेले जानकारी दिए ।

उनका अनुसार, एमबीबीएस कार्यक्रम सञ्चालन गर्न सम्बन्धित सबै निकायमा केयूका तर्फबाट पत्राचार गरिएको छ । सिट निर्धारण, भर्नालगायत प्रक्रिया चिकित्सा शिक्षा आयोगबाट अघि बढाइने भएकाले केयूले ससर्त सम्बन्धन दिने निर्णय गरेको वाग्लेले बताए ।

बीएन्डसी प्रशासनले विगत १० वर्षदेखि सम्बन्धनका निम्ति प्रक्रिया अघि बढाएको थियो । बीएन्डसीलाई सम्बन्धन दिन ०८० चैत १२ गते सर्वोच्च अदालतले आदेश दिएको थियो । यही जेठ २४ गते सर्वोच्च प्रशासनले उक्त फैसलाको पूर्णपाठ सार्वजनिक गरेसँगै केयूले सम्बन्धन प्रक्रिया अघि बढाएको थियो ।