१
जिन्दगी ब्याउनुअघि भोकाएको गाईझैँ भयो
जिन्दगी कोपिलामा किरा लागेको जाईझैँ भयो
असफलताका सिँढीहरू चढ्दाचढ्दा वाक्क भएँ
त्यसैले यो ज्यान खुम्चिएको थोत्रो टाईझैँ भयो

२
दुहुनो भैँसी बेचेर पोहर आइफोन किन्नुपर्‍यो 
आम्दानी स्रोत गुमेपछि माग्दै हिँड्नुपर्‍यो
तडकभडक आडम्बर कबै राम्रो होइन
समस्याहरूको सागरमा पैसो चिन्नुपर्‍यो

३
बेलाबेलामा मेरो हालखबर सोध्ने गर
बीचबीचमा स्वास्थ्य अवस्था बुझ्ने गर
म चढेको गाडी दुर्घटनामा पर्दा मात्र
किन फोन गर्छौ, भो चुपचाप बस्ने गर

(बूढानीलकण्ठ, काठमाडौं)