काठमाडौं । नेपाली कथानक चलचित्र ‘ईश्वर’को पोस्टर सार्वजनिक भएको छ । सार्वजनिक पोस्टरमा चलचित्रका कलाकारद्वय पृथ्वीराज प्रसाईं र अनु शाह फिचर्ड छन् । 

पृष्ठभूमिमा ताल रहेको पोस्टरमा पृथ्वी र अनुलाई रोमान्टिक भावमा देखाइएको छ । राजु गिरीको निर्देशन र हरिबहादुर थापाको निर्माण रहेको चलचित्रमा भोजराज देवकोटाको पटकथा तथा संवाद छ ।

चलचित्रमा ध्रुव थापा, पृथ्वीराज प्रसाईं, अनु शाह, सुनील थापा, सविन बास्तोला, माओत्से गुरुङ, शिशिर बाङ्देललगायत कलाकारको अभिनय छ । चलचित्र साउन ११ मा रिलिज हुँदै छ ।