काठमाडौं । नेपाली कांग्रेसका महामन्त्री विश्वपकाश शर्माले कान्तिपुर मिडिया ग्रुपका अध्यक्ष कैलाश सिरोहियामाथि निष्पक्ष छानबिन गर्न आग्रह गरेका छन् ।

मंगलबार राति सामाजिक सञ्जालमार्फत शर्माले सिरोहियालाई 'कृपापूर्वक' रिहा नगर्न पनि आग्रह गरेका छन् ।

"सिरोहियालाई 'कृपापूर्वक' रिहा नगर l मज्जाले छानबिन गर, दोषी ठहरे जेल पठाऊ l सबैमाथिको सबै आरोपउपर निष्पक्ष छानबिनको सबै ढोका खुला गर," उनले एक्समा लेखेका छन् ।

शर्माले 'मुद्दा चलाउनुनपर्ने' भनेर थन्क्याइएको गृहमन्त्रीको पासपोर्टको फाइल खोल्न पनि भनेका छन् । साथै उनले 'सहकारी ठगी समाचार शृङ्खला' उपर पूर्वाग्रह नभएको पुष्टि गर्न पनि चुनौती दिएका छन् ।