![प्रतिपक्षले नाराबाजी गरिरहे, प्रधानमन्त्रीले उनीहरूसितै विश्वासको मत मागिरहे !](https://12khari.top/uploads/posts/prachanda-samsad6-1716187900.jpg)
काठमाडौं । प्रधानमन्त्री पुष्पकमल दाहाल ‘प्रचण्ड’ले प्रमुख प्रतिपक्ष दल नेपाली कांग्रेसका सांसदको नाराबाजीबीच विश्वासको मत मागेका छन् । सोमबार प्रतिनिधिसभा बैठकमा उनले विश्वासको मत मागेका हुन् ।
उपप्रधान एवं गृहमन्त्री रवि लामिछानेको नाम जोडिएको सहकारीको बचत अपचलनबारे छानबिन गर्न संसदीय समिति नबनाई विश्वासको मत माग्दा प्रतिपक्ष सांसदले वेल घेरेर नाराबाजी गरिरहेका थिए । त्यही बेला प्रधानमन्त्री प्रचण्डले देश विकासको गतिमा अघि बढेको भन्दै प्रतिपक्षलाई पनि विश्वासको मत दिन आग्रह गरे ।
संसदीय छानबिन समिति बनाएर मात्र विश्वासको मत लिन आउन कांग्रेस संसदीय दलको बैठकबाट आग्रह गरिएको थियो । त्यसलाई बेवास्ता गर्दै प्रधानमन्त्रीले प्रतिपक्षको अवरोधबीच विश्वासको मत माग्ने प्रस्ताव राखेका हुन् ।