काठमाडौं । राष्ट्रिय खेलकुद परिषद् (राखेप)ले पेरिस ओलम्पिकको तयारीका लागि ब्याडमिन्टनका प्रिन्स दाहाललाई बुधबार खेल सामग्री प्रदान गरेको छ ।

राखेपका सदस्य–सचिव टंकलाल घिसिङले ब्याडमिन्टनका मुख्य प्रशिक्षक सुदीप योञ्जनको उपस्थितिमा प्रिन्सलाई खेल सामग्री हस्तान्तरण गरे । प्रिन्सलाई र्‍याकेट, स्ट्रिङ, जुत्ता र ब्याग प्रदान गरियो ।

प्रिन्स केही दिनअघि वाइल्ड कार्डमार्फ पेरिस ओलम्पिकका लागि छनोट भएका थिए । कुनै पनि गृष्मकालीन ओलम्पिकका लागि नेपाली ब्याडमिन्टन खेलाडीले सहभागिता जनाउन लागेको पहिलो अवसर हो ।