काठमाडौं । त्रिभुवन अन्तर्राष्ट्रिय विमानस्थलबाट कपडाभित्र लेपन गरेर ल्याएको सुन प्रहरीले बरामद गरेको छ । दुबईबाट आएको भारतीय नागरिकको साथबाट अन्डवेयर, हुडी र पाइन्टमा लेपन गरिएको सुन बरामद भएको हो ।

कपडासहितको तौल ५ किलो रहेको विमास्थल प्रहरीका एक अधिकारीले जानकारी दिए । सुन पगाल्दा करिब एक किलो पुग्ने अनुमान प्रहरीको छ ।

भारतीय नागरिक आइतबार साँझ फ्लाई दुबईबाट काठमाडौँ अएका थिए । भन्सार जाँचपास पार गरेपछि विमानस्थल सुरक्षा कार्यालयको टोलीले उनीहरूलाई पक्राउ गरेको हो ।