काठमाडौं । प्रहरीले कतारबाट अवैधरूपमा ल्याउने काममा संलग्न रहेको आरोपमा एक जनालाई पक्राउ गरेको छ । पक्राउ पर्नेमा सुनसरीको रामधुनी नगरपालिका–७ का ३२ वर्षीय जीवन बस्नेत रहेका छन् ।

प्रहरीका अनुसार गएको बिहीबार कतारबाट अवैधरूपमा सुन ल्याएको गोप्य सूचनाको आधारमा सुनसरीको धरान उपमहानगरपालिका–५ का विजयकुमार लिम्बुलाई ५० ग्राम बराबरका ब्रासलेट र औँठीको सुनसहित पक्राउ गरिएको थियो ।

अनुसन्धानका क्रममा सुन ल्याउने काममा सुनसरीको रामधुनी नगरपालिका–७ घरका बस्नेतको संलग्नता रहेको पाइएको प्रहरीले जनाएको छ । उनलाई शुक्रबार गौशालाबाट पक्राउ गरिएको हो ।

उनलाई थप अनुसन्धान तथा कारबाहीका लागि त्रिभुवन अन्तर्राष्ट्रिय विमानस्थल भन्सारमा पठाइएको प्रहरीले जनाएको छ ।

उनले कतारबाट ५० ग्राम सुन ल्याइदिएबापत १६ हजार रुपैयाँ दिने गरेको खुलेको छ । त्रिभुवन अन्तर्राष्ट्रिय विमानस्थलबाट सम्बन्धित व्यक्तिसम्म पुर्‍याइदिएबापत पाँचहजार रुपैयाँ दिने गरेको काठमाडौं उपत्यका अपराध अनुसन्धान कार्यालयक प्रवक्ता प्रहरी उपरीक्षक रविन्द्र रेग्मीले जानकारी दिए ।