काठमाडौं । घरेलु उपकरण निर्माता माइडियाको आधिकारिक बिक्रेता सीजी इलेक्ट्रोनिक्सले नयाँ रेफ्रिजेरेटर नेपालमा ल्याएको छ ।

आधुनिक किचेनको लागि डिजाइन गरिएको साइडबाइसाइड र मल्टी डोर (चार ढोका) भएको माइडिया रेफ्रिजेरेटर सीजी इलेक्ट्रोनिक्सले सार्वजनिक गरेको हो ।

आकर्षक, कम्प्याक्ट र फ्ल्याट डिजाइन रहेका यी रेफ्रिजेरेटरलाई एमस्मार्टहोम एपमार्फत कन्ट्रोल गर्न सकिने कम्पनीले जनाएको छ । कम्पनीका अनुसार अफिस, घुम्न गएका बेला वा घर बाहिर हुँदा पनि सजिलै आफ्नो रेफ्रिजेरेटर कन्ट्रोल गर्न सकिनेछ ।

इन्भर्टर क्वाट्रो मोटर कन्ट्रोल सिस्टम रहेका माइडिया वाइफाइ रेफ्रिजेरेटरले उर्जाको उपयुक्त उपयोग गरी बिजुलीको लागत घटाउँदै लामो समयसम्म खानाको ताजापन सुनिश्चित गर्ने कम्पनीको भनाइ छ ।

रेफ्रिजेरेटरमा कन्भर्टिबल अप्सन रहेको र यसले ग्राहकलाई आवश्यकताअनुसार एक बटन थिचेर फ्रिजरलाई फ्रिजमा परिवर्तन गर्न सक्ने सुविधा रहेको कम्पनीले जनाएको छ। रेफ्रिजेरेटरमा साइडबाइसाइड ४८२ लिटर क्षमता र मल्टिडोर ५१९ लिटर क्षमतामा रहेको कम्पनीले बताएको छ।

१० वर्षसम्मको वारेन्टी रहेको रेफ्रिजेरेटर नेपालभर रहेका २५० भन्दा बढी डिलर तथा सोरुमबाट खरिद गर्न सकिने कम्पनीले जनाएको छ ।