काठमाडौं । लिग लिडर म्यानचेस्टर सिटीले इंग्लिस प्रिमियर लिगमा नटिङ्घम फरेस्टविरुद्ध २–० को जित निकालेको छ । यो जितसँगै प्रिमियर लिग उपाधि होडको सबैभन्दा दाबेदार सिटीले शीर्ष स्थानको आर्सनलसँगको दूरी एक अंकमा घटाएको छ । 

आइतबार राति नटिङ्घम फरेस्टको मैदान सिटी रंगशालामा भएको खेलमा सिटीलाई जित दिलाउन जोस्को जिभार्डियोल र एर्लिङ हाल्यान्डले गोल गरे । 

खेलको ३२औँ मिनेटमा जोस्को ग्भार्डियोलले गोल गर्दै सिटीलाई अग्रतामा राखेका थिए । पहिलो हाफमा १–० को अग्रता लिएको सिटीले दोस्रो हाफमा थप एक गोल गर्‍यो । 

७१औँ मिनेटमा एर्लिङ हालान्डले गोल गर्दै सिटीको अग्रता दोब्बर पारेका थिए । 

जितसँगै उपाधि होडमा रहेको म्यानचेस्टर सिटीको ३४ खेलबाट ७९ अंक जोडेको छ  । सिटी लिगको दोस्रो स्थानमा छ । सिटीभन्दा एक खेल बढी खेलेको आर्सनलको ८० अंक छ । नटिङ्घम फरेस्ट भने ३५ खेलबाट २६ अंकका साथ लिगको १७औँ स्थानमा छ ।