इलाम । उपनिर्वाचनअन्तर्गत इलाम–२ को मतगणना जारी छ । हाल चुलाचुली क्षेत्रको मतगणना भइरहेको छ ।

प्राप्त पछिल्लो नतिजाअनुसार यहाँ एमालेको अग्रता कायमै छ । एमाले उमेदवार सुहाङ नेम्वाङ अघि लागेका छन् । यस्तै यहाँ तेस्रो स्थानमा रहेका स्वतन्त्र उमेदवार डकेन्द्रसिंह थेगिमले पनि मत थपेका छन् ।

आयोगको तथ्यांकअनुसार नेम्वाङले पाँच हजार २७ मत पाएका छन् । जबकी दोस्रो स्थानमा रहेका डम्बर खड्काको तीन हजार ७५९ मत रहेको छ । यी दुई बीच १२६८ को मतान्तर छ ।

यहाँ तेस्रो स्थानमा रहेको पहिचान पक्षधर स्वतन्त्र उमेदवार डकेन्द्र थेगिमले १८१५ मत ल्याएका छन् । रास्वपाका मिलन लिम्बुले ७६० मत पाएको आयोगको तथ्यांकमा उल्लेख छ ।