काठमाडौं ।  इलाम–२ को उपनिर्वाचनअन्तर्गत फाकफुकथुम गाउँपालिकाका सातवटै वडाको मतगणना सम्पन्न भएको छ । 

नतिजा अनुसार नेकपा (एमाले)ले अग्रता कायमै राखेको छ । निर्वाचन आयोगले दिएको तथ्यांक अनुसार फाकफोकथुम गाउँपालिकाबाट एमालेका सुहाङ नेम्वाङले चार हजार ४१३ मत प्राप्त गरेका छन् ।

यस्तै, नेपाली कांग्रेस उमेदवार डम्बर खड्का दोस्रो स्थानमा छन् । उनले तीनहजार २५८ मत प्राप्त गरेका छन् । 

नेम्वाङ र खड्काको मतान्तर १,१५५ छ । 

तेस्रो स्थानमा रहेका पहिचान पक्षधर स्वतन्त्र उमेदवार डकेन्द्रसिंह थेगिमले ९६३ मत प्राप्त गरे । 

चौथो स्थानमा रहेको राष्ट्रिय स्वतन्त्र पार्टी (रास्वपा)का उमेदवार मिलन लिम्बुले  मत प्राप्त गरेका छन् ।

अहिलेसम्म कुल ९ हजार ६२१ मत गणना भएकोमा ९७ मत बदर भएको छ भने ९ हजार ५२४ मत सदर भएको छ ।

अब चुलाचुली गाउँपालिकाको मत गणना गरिँदै छ ।