काठमाडौं । हिमपहिरोले गोखराको चुमनुव्री गाउँपालिका–१ स्थित वीरेन्द्र तालको पानी ‘ओभरफ्लो’ हुँदा बूढीगण्डकी नदीमा पानीको बहाव उच्च भएको छ । आज बिहान तालमा ठूलो हिमपहिरो झरेको स्थानीयले बताएका छन् । 

तालको पानी ओभरफ्लो भएपछि बूढीगण्डकी नदीमा पानीको बहाब उच्च भएको र बाढीले नदी आसपास क्षति गर्न सक्ने भन्दै गृह मन्त्रालयले तल्लो तटीय क्षेत्रका बासिन्दालाई सतर्क रहन आग्रह गरेको छ । “बाढीले क्षति गर्ने सम्भावना हुन्छ । बाढी आउनुपूर्व नै सुरक्षित रहन अपिल गर्दछौँ,” गृह मन्त्रालयका प्रवत्ता नारायणप्रसाद भट्टराईले भने ।   

जिल्ला प्रहरी कार्यालय गोरखाले दिएको जानकारीअनुसार घटनाबारे बुझ्न सामागाउँ चौकीबाट प्रहरी त्यसतर्फ गएको पनि प्रवत्ता भट्टराईले जानकारी दिए । रासस