site stats
बाह्रखरी :: Baahrakhari
राजनीति
Nabil BankNabil Bank
सुदूरपश्चिम एमालेमा अन्योल, केन्द्रको निर्देशनको पर्खाइ
सुदूरपश्चिम एमाले संसदीय दलका नेता राजेन्द्र रावल । फाइल तस्बिर ।
Sarbottam CementSarbottam Cement

काठमाडौं । सुदूरपश्चिम प्रदेशमा मुख्यमन्त्रीको समर्थनबारे नेकपा (एमाले) अन्योलमा छ । नेकपा (एकीकृत समाजवादी)ले सुदूरपश्चिम संसदीय दलका नेता दीर्घ सोडारीलाई मुख्यमन्त्रीको रूपमा अघि सारेको छ । एमाले सोडारीलाई समर्थन गर्ने नगर्ने निर्णयमा पुगिसकेको छैन । 

सुदूरपश्चिम एमाले संसदीय दलका नेता राजेन्द्र रावलले पहिले नागरिक उन्मुक्तिका कैलाश चौधरीलाई मुख्यमन्त्री बनाउने निर्णय भएको र त्यो फिर्ता भएपछि कसलाई बनाउने भन्ने निर्णय भइनसकेको बताए । “यहाँ चार दलका नेताको बैठक नै बस्न सकेको छैन । पात्रका बारेमा छलफल नै भएको छैन । यो पात्र हो भनेर सबै दल एक हुनुपर्‍यो नि । समाजवादी भनेर लेख्न त मिलेन । व्यक्तिकै नाम लेख्नुपर्ला,” उनले भने । 

Prabhu Bank
Agni Group
NIC Asia

एमाले सोडारीबाहेकका एकीकृत समाजवादीका सांसदलाई मुख्यमन्त्री बनाउने पक्षमा छ । त्यहाँको एमाले केन्द्रको निर्णयको पर्खाइमा छ । पार्टी अध्यक्ष केपी शर्मा ओली काठमाडौं फर्किएपछि निर्देशन आउने नेताहरू बताउँछन् । “अध्यक्ष इलामको चुनाव प्रचारप्रसारमा हुनुहुन्थ्यो । उहाँ आज काठमाडौं आउँदै हुनुहुन्छ । त्यहाँ छलफल होला,” रावलले बाह्रखरीसँग भने । 

एकीकृत समाजवादीले मुख्यमन्त्रीका विषयमा नेपाली कांग्रेससँग पनि छलफल गरेको छ । बुधबार नेपाली कांग्रेसका सभापति शेरबहादुर देउवा र एकीकृत समाजवादीका अध्यक्ष माधवकुमार नेपालको भेटमा त्यसबारे छलफल भएको बताइएको छ । 

Global Ime bank

कांग्रेस र एकीकृत समाजवादीको वार्तापछि परिस्थिति जटिल बनेकाले केन्द्रको निर्देशनको पर्खाइमा सुदूरपश्चिमका नेताहरू देखिएका छन् । सुदूरपश्चिममा मुख्यमन्त्रीका लागि दाबी पेस गर्न आज साँझ ५ बजेसम्मको समय रहेको छ ।

NIBLNIBL
प्रकाशित मिति: बिहीबार, वैशाख ६, २०८१  १२:२३
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement