site stats
बाह्रखरी :: Baahrakhari
देश
Nabil BankNabil Bank
काठमाडौंको वायु प्रदूषण कम हुँदै, हट्न के हुनुपर्छ ?
फाइल तस्बिर ।
Sarbottam CementSarbottam Cement

काठमाडौं । तीन सातायता काठमाडौंमा वायु प्रदूषण उच्च छ । बुधबार समेत वायुको गुणस्तर अस्वस्थकर रहेको सूचकांकले देखाएको छ । अन्तर्राष्ट्रिय सूचकांक आईक्यू एयरका अनुसार बुधबार दिउँसो १ः४५ बजे काठमाडौंको वायुको गुणस्तर १५२ यूएस एक्यूआई (एयर क्वालिटी इन्डेक्स) छ । १५२ एक्यूआई हुनु वायु अस्वस्थकर रहेको संकेत हो ।

एक्यूआई शून्यदेखि ५० सम्मको (हरियो) रहेको वायु स्वस्थकर हुन्छ । ५१ देखि १०० सम्मको (पहेँलो) भए होसियार रहनुपर्ने र १०१ देखि १५० एक्यूआईसम्म (खैरो) रहेको वायुले श्वासप्रश्वास र मुटु रोगीका बिरामीलाई असर गर्छ ।

Prabhu Bank
Agni Group
NIC Asia

१५१ देखि २०० सम्म एक्यूआई (रातो) पुगेमा सबैका लागि अस्वस्थकर हुने र सोभन्दा माथि जति बढ्दै गयो उति वायु अति हानिकारक बन्दै जान्छ ।

वातावरण विभागका अनुसार मंगलबार २४ घण्टाको औसत वायुको गुणस्तर रत्नपार्कमा १५६ र खुमलटारमा १५२ एक्यूआई थियो ।

Global Ime bank

गएको साता चैत २९ गते दुईसय एक्यूआईसम्म पुगेको थियो ।  सोमबारबाट प्रदूषण केही कम भएको छ । विभागको सूचकांकमा बुधबार दिउँसो काठमाडौं उपत्यकाका विभिन्न स्थानमा वायुको गुणस्तर १३० भन्दा कम छ ।

देशका विभिन्न स्थानमा भएका डढेलोका कारण प्रदूषण उच्च भएको विज्ञहरूले बताएका छन् । शनिबारयता भने डढेलो र आगलागीका घटना कम भएको रािष्ट्रय विपद् जोखिम न्यूनिकरण तथा व्यवस्थापन प्राधिकरणको तथ्यांक छ । तर प्रदूषण पूरै हट्न भने ठूलो हावाहुरी चल्नुपर्ने वा वर्षा हुनुपर्ने विभागका उप–महानिर्देशक तारादत्त भट्ट बताउँछन् । तर, तत्काल ठूलो वर्षाको सम्भावना नरहेको जल तथा मौसम विज्ञान विभागले जनाएको छ ।

बुधबार कोसी, वाग्मती र गण्डकी प्रदेशको पहाडी भू–भागका एकदुई स्थानमा हल्का वर्षाको सम्भावना रहेको विभागको बुलेटिनमा उल्लेख छ । लुम्बिनी, कर्णाली र सुदूरपश्चिम प्रदेशको केही स्थानमा र बाँकी पहाडी भू–भागका थोरै स्थानमा हल्का हावाहुरीको सम्भावना रहेको विभागले जनाएको छ ।
 

NIBLNIBL
प्रकाशित मिति: बुधबार, वैशाख ५, २०८१  १४:३४
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement