काठमाडौं  । शिवम् सिमेन्ट सर्वाधिक बिक्री हुने ओपीसी सिमेन्ट बनेको छ । सिमेन्टले १३ करोड ३१ लाख बोरा ओपीसी सिमेन्ट बिक्री गर्न सफल भएको हो । 

शिवम् सिमेन्टले ४३ र ५३ ग्रेडमा ओपीसी सिमेन्ट उत्पादन गर्दै आएको छ । एनएस क्वालिटी अवार्ड २०१९ प्रथमबाट सम्मानित नेपालकै पहिलो सिमेन्ट कम्पनी पनि हो । सन् २००३ मा मध्य नेपालको हेटौँडा, मकवानपुरमा स्थापित शिवम् सिमेन्ट उद्योगले स्थानीय उच्च गुणस्तरीय चुनढुंगाको प्रयोग गरी दैनिक तीन हजार टन ओपीसी सिमेन्ट उत्पादन गर्दै आएको छ ।

शिवम् सिमेन्ट ओपीसी मात्र उत्पादन गर्ने नेपालकै अग्रणी सिमेन्ट कम्पनी हो । स्थापनाकालदेखि नै निरन्तर गुणस्तरीय ओपीसी सिमेन्ट मात्र उत्पादन तथा बिक्री वितरण गर्दै आइरहेको शिवम् गुणस्तरकै कारण लाखौँ ग्राहकहरूको पहिलो रोजाइमा पर्दै आइरहेको छ । व्यक्तिगत, व्यावसायिक तथा राष्ट्रिय गौरवका विभिन्न आयोजनाहरूका अनेकौँ संरचना निर्माणमा शिवम् सिमेन्टले विगत लामो समयदेखि महत्त्वपूर्ण भूमिका प्रस्तुत गर्दै आइरहेको छ ।