site stats
बाह्रखरी :: Baahrakhari
अर्थ व्यवसाय
Nabil BankNabil Bank
त्रिभुवन विमानस्थलमा एक्सरे मेसिन नभएको भन्दै कार्गो व्यवसायीले पठाएनन् सामान
Sarbottam CementSarbottam Cement

काठमाडौं । त्रिभुवन अन्तर्राष्ट्रिय विमानस्थलमा सामान निकासी जाँचपास एक्सरे (स्क्यानिङ) मेसिन नभएको भन्दै कार्गो व्यवसायीले सामान निकासी गर्न बन्द गरेका छन् । त्रिभुवन अन्तर्राष्ट्रिय विमानस्थलको कार्गो वेयरहाउसमा प्रयोग हुने सो मेसिन बिग्रिएको डेढ महिनाभन्दा बढी हुँदा पनि नबनाइएको भन्दै उनीहरूले आइतबारदेखि सामानको निकासी बन्द गरेका हुन् ।

सोमबार त्रिभुवन अन्तर्राष्ट्रिय विमानस्थल भन्सार कार्यालयमा भेला भई व्यवसायीले आफूहरूको काम बन्द गरेको बताए । नेपाल पारवहन तथा गोदाम लिमिटेडले एक्सरे मेसिनको सञ्चालन गर्दै आएको र बिग्रिएको डेढ महिना हुँदा पनि नबनाइएको उनीहरूले उल्लेख गरे ।

Prabhu Bank
Agni Group
NIC Asia

सञ्चारकर्मीसँग कार्गो व्यवसायी खेमराज सुवेदीले पारवहन तथा गोदामले बिग्रिएको मेसिनको मर्मतसम्भार नगरेको र नयाँ थप्ने विषयमा समेत चासो नदिएको बताए । सामान जाँचपास गराउन धेरै समस्या भएकाले बाध्य भएर पठाउन नसकेको उनको भनाइ छ ।

उनले सामान पठाइसकेपछि केही समस्या आए को जिम्मेवारी हुन्छ ? भन्दै प्रश्न गरे । सामान निकासीमा विमानस्थलमा पारवहन तथा गोदामको चरम लापरबाही भएको उनले आरोप लगाए ।

Global Ime bank

उनले दुई दिनदेखि व्यापारीका सामान ल्याएर थन्क्याएको र मेसिन नहुँदा जाँचपास नभएको भन्दै आइतबारदेखि पूरै काम ठप्प पारेको बताए । मेसिन नभएसम्म व्यवसायीले कुनै चुनौती लिएर सामान ‘क्लियरिङ’ र ‘फर्वाडिङ’ नगर्ने उनले घोषणा गरे ।

पारवहन तथा गोदामले मर्मतसम्भारका निम्ति ३० लाख रुपैयाँ पर्ने र नयाँ किन्न पनि बजेट नरहेको भन्दै भाग्ने काम गरिरहेको उनले बताए । तीन निकाय – पारवहन गोदाम, भन्सार र सिभिल एभिएसन एकले अर्कोलाई आरोप देखाएर बसिरहेको उनको भनाइ छ । न्युज एजेन्सी नेपाल

NIBLNIBL
प्रकाशित मिति: सोमबार, वैशाख ३, २०८१  १३:५५
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय