काठमाडौं । नेकपा एमालेकी राष्ट्रियसभा सदस्य भगवती न्यौपानेले अर्थतन्त्रमा अहिले पनि समस्या कायम रहेको बताएकी छन् ।
बुधबारको राष्ट्रियसभा बैठकमा बोल्दै उनले अर्थतन्त्रमा रहेको अहिलेको समस्यालाई सत्तापक्ष र प्रतिपक्ष नभनी समाधान गर्नुपर्ने बताइन् । उनले अर्थतन्त्र समस्यामा रहेको कुरा सरकारले पनि स्वीकार गरिरहेको बताइन् । अर्थतन्त्रमा आन्तरिक र बाह्य कारणले गर्दा मन्दी आउने उल्लेख गर्दै अर्थतन्त्रमा आएको मन्दीलाई हटाउँदै लैजानुपर्ने उल्लेख गरिन् ।

उनले भनिन्, "अहिले अर्थतन्त्र समस्यामा छ, यो कुरा हामी सबैले भनिरहेका छौँ । सरकारले पनि स्वीकार गरिरहेको छ । अर्थतन्त्रमा मन्दी किन आउँछ भन्दा आन्तरिक र बाह्य कारणले गर्दा अर्थतन्त्रमा मन्दी आउँछ, अहिले आन्तरिक र वाह्य एकैसाथ त्यस्तो परिस्थितिले गर्दा अर्थतन्त्रमा समस्या आएको छ ।"

उनले निर्माण कार्यले तीब्रता पाउनुपर्ने आवश्यकता रहेको बताइन् ।