काठमाडौं । राष्ट्रिय तथ्यांक कार्यालयले चालु आर्थिक वर्ष २०८०/०८१ को दोस्रो त्रैमासमा चार प्रतिशतले आर्थिक वृद्धि हुने प्रक्षेपण गरेको छ । गत आर्थिक वर्ष २०७९/०८० को दोस्रो त्रैमासको तुलनामा चार प्रतिशतले आर्थिक वृद्धि हुने प्रक्षेपण गरिएको हो ।

मंगलबार एक तथ्यांक सार्वजनिक गर्दै तथ्यांक कार्यालयले त्रैमासिकमा अर्थतन्त्रको धनात्मक वृद्धि हुने प्रारम्भिक अनुमान गरेको हो ।

उक्त त्रैमासमा अर्थतन्त्रमा धनात्मक वृद्धि हुनुमा धानलगायत अन्नबाली र अन्य कृषि त्पादनमा भएको वृद्धि तथा पर्यटन आगमनमा भएका वृद्धिसँगै होटल क्षेत्रको कुल मूल्य अभिवृद्धिमा भएको बढोत्तरीलाई प्रमुख कारण मानिएको छ ।

यसका साथै व्ययापार क्षेत्रमा भएको झिनो वृद्धि तथा उद्योगबाहेकका अन्य क्षेत्रहरूको धनात्मक वृद्धिले गर्दा समग्र अर्थतन्त्र सकारात्मक वृद्धितर्फ उन्मुख भएका पनि उल्लेख छ ।

दोस्रो त्रैमासमा अर्थतन्त्रमा समान्य वृद्धि हुने पनि अनुमान गरिएको छ ।