काठमाडौं । मकवानपुरमा खुकुरी प्रहारबाट एक व्यक्ति गम्भीर घाइते भएका छन् । मनहरी गाउँपालिका–३, हाँडीखोलाका २६ वर्षीय कृष्ण तामाङ बलले आफ्नो दाइमाथि खुकुरी प्रहार गरेका हुन् ।

खुकुरी प्रहारबाट २८ वर्षीय कप्तान तामाङ बलको छाती, पेट र कुममा चोट लागेको छ । बिहीबार (हिजो) राति करिब ९ बजे कृष्णले कप्तानमाथि खुकुरी प्रहार गरेका थिए ।

मकवानपुरकै चुरेहिल अस्पतालमा उनको सामान्य उपचार गरिएको थियो । थप उपचारका निम्ति उनलाई चितवनको भरतपुरस्थित नयाँ मेडिकल कलेजमा पठाइएको वाग्मती प्रदेश प्रहरी कार्यालयले जानकारी गराएको छ ।

खुकुरी प्रहार गर्ने कृष्ण प्रहरीको नियन्त्रणमा छन् । के कारणले घटना भयो भन्ने खुल्न बाँकी रहेको प्रहरीले जनाएको छ ।