काठमाडौं । चालु आर्थिक वर्ष २०८०/०८१ को आठ महिनामा १९ अर्ब रुपैयाँभन्दा बढीका स्मार्टफोन भित्रिएका छन् ।

भन्सार विभागको तथ्यांकअनुसार फागुन महिनासम्म १९ अर्ब ३७ करोड ७७ लाख ६८ हजार रुपैयाँका स्मार्टफोन नेपाल भित्रिएका हुन् ।

यो अवधिमा १२ लाख ४९ हजार ४८२ स्मार्टफोनको आयात हुँदा सरकारले तीन अर्ब ६० करोड ७५ लाख ३६ हजार रुपैयाँ राजस्व संकलन गरेको छ ।

गत वर्षको यसै अवधिमा १६ अर्ब ६० करोड रुपैयाँभन्दा बढीका १० लाख ९४ हजार ८८९ वटा स्मार्टफोन आयात भएका थिए । गत वर्षको तुलनामा यस वर्ष मोबाइलको आयात बढेको छ ।