काठमाडौं । रूसमा जारी राष्ट्रपतीय निर्वाचनको आज (आइतबार) अन्तिम दिन हो ।

निर्वाचनमा रूसी राष्ट्रपति भ्लादिमिर पुटिनले पाँचौँ कार्यकालका लागि उमेदवारी दिएका छन् । पुटिनले निर्वाचन जित्ने निश्चित मानिएका बेला उनका विपक्षीहरूले भने विरोध प्रदर्शन गरिरहेका छन् ।

रूसी प्रमुख विपक्षी नेता एलेक्सी नाभाल्नीको गत महिना मृत्यु भएको थियो । उनकी पत्नी युलिया नभाल्नायाले रूसी नागरिकलाई मतदान केन्द्रमा लामो लाइन लगाएर विरोध गर्न आह्वान गरेकी छन् ।

युक्रेनी आक्रमण र रूसभित्रकै विरोधका कारण निर्वाचन केही प्रभावित भएको छ । युक्रेनसँग युद्धका बेला आफ्नो नियन्त्रणमा ल्याएका चार क्षेत्र जापोरिज्जिया, खेरसन, डोनेट्स्क र लुहान्स्कमा पनि मतदान भइरहेको छ ।