काठमाडौं । नेपालमा केही दिनयता तापक्रम बढ्दै गएको छ । हिउँदयाम सकिएर प्रिमनसुन सुरु भएसँगै तापक्रम बढ्न थालेको हो । 

मौसम पूर्वानुमान महाशाखाले बिहीबार बिहान ८ः४५ मा सार्वजनिक गरेको विवरणअनुसार भैरहवाको अधिकतम तापक्रम सबैभन्दा बढी ३४.५ डिग्री सेल्सियस मापन गरिएको छ । त्यस्तै, जनकपुरको ३४.४ डिग्री सेल्सियस मापन गरिएको छ । 

यसदिन विराटनगरको अधिकतम तापक्रम ३१.६ डिग्री सेल्सियस मापन गरिएको छ । र नेपालगञ्जको ३१.५ डिग्री सेल्सियस र धनगढीको ३१.४ डिग्री सेल्सियस मापन गरिएको छ । 

काठमाडौंको अधिकतम तापक्रम भने २७.२ डिग्री सेल्सियस मापन गरिएको छ ।