काठमाडौं । जनता समाजवादी पार्टी, (जसपा) नेपालले प्रधानमन्त्री पुष्पकमल दाहाल 'प्रचण्ड'लाई विश्वासको मत दिने निर्णय गरेको छ । 

मंगलबार सिंहदरबारमा बसेको पार्टीको संसदीय दलको बैठकले यस्तो निर्णय गरेको हो । बैठकका निर्णय जानकारी गराउँदै पार्टीका प्रमुख सचेतक प्रदीप यादवले फागुन ३० गते प्रतिनिधिसभामा प्रधानमन्त्री प्रचण्डले लिने विश्वासको मतको पक्षमा मतदान गर्ने बताए । बैठकले पार्टीका सांसदहरुलाई प्रधानमन्त्री प्रचण्डलाई विश्वासको मत दिन ह्वीप जारी गर्ने निर्णय गरेको छ ।

उनले भने, "भोलि प्रतिनिधिसभामा प्रधानमन्त्रीज्युले विश्वासको मत माग्नुभएको छ । त्यो विश्वासको मत दिने की नदिने विषयमा आजको बैठक बसेको थियो । तर, बैठकबाट प्रधानमन्त्री पुष्पकमल दाहाल प्रचण्डलाई विश्वासको मत दिने पक्षमा जनता समाजवादी पार्टीले मतदान दिने र त्यसको लागि ह्वीप पनि जारी गरेको छ ।"