![ब्लु डायमन्ड सोसाइटीमा गरिमा विकास बैंकको वित्तीय जागरण कार्यक्रम](https://12khari.top/uploads/posts/vmmg-1710151661.jpg)
काठमाडौं । गरिमा विकास बैंकले ब्लु डायमन्ड सोसाइटीमा आबद्ध ‘एलजीबीटी क्यू’ समूहलाई वित्तीय जागरण कार्यक्रम आयोजना गरेको छ । बैंकको चाबेल शाखाले उक्त कार्यक्रममा आयोजना गरेको हो ।
कार्यक्रमका सहभागीलाई व्यक्तिगत वित्तीय व्यवस्थापन, डिजिटल फ्रडबारे सचेतना, विभिन्न प्रकारका बचत, कर्जा र बैंकबाट प्राप्त गर्न सकिने अरू सेवाका विषयमा वित्तीय शिक्षा प्रदान गरिएको बैंकले जनाएको छ ।
यो कार्यक्रमले वित्तीय ज्ञान प्रदान र आत्मनिर्भर बन्न सहयोगी भई समग्र अर्थतन्त्रमा नै सकारात्मक प्रभाव पार्ने बैंकले विश्वास लिएको छ ।
गरिमा विकास बैंकले काठमाडौं उपत्यकाभित्र २२ सहित देशभर १२३ शाखा कार्यालय, एक एक्सटेन्सन काउन्टर र ५१ एटीएममार्फत सेवा दिँदै आएको छ ।