काठमाडौं । सामसङले गत वर्षदेखि नेपालमा शून्य प्रतिशत ब्याजदरको किस्ताबन्दी अर्थात् इन्स्टा फाइनान्स सेवा सुरु गरेको थियो ।
सामसङ नेपालले अब इन्स्टा फाइनान्सलाई झनै झन्झटमुक्त बनाएको बताएको छ । अब किस्ताबन्दीमा फोन किन्न आफ्नो र आफ्नो ग्यारेन्टरको नागरिकता ल्याए पुग्ने कम्पनीले बताएको हो ।
पहिले पनि इन्स्टा फाइनान्सको प्रक्रिया झन्झटरहित नै रहेको तर अन्य कागजात पनि आवश्यक पर्ने गरेको सामसङले बताएको छ ।अब भने ग्राहकले आफ्नो र आफ्नो ग्यारेन्टरको पासपोर्ट साइजको दुई–दुईप्रति फोटो र नागरिकता लगेमा पुग्ने भएको हो ।
नागरिकता जारी गरेको जिल्लामा रहेको कुनै पनि आधिकारिक सामसङ फाइनान्स स्टोरबाट २० हजार रुपैयाँ वा सोभन्दा बढी मूल्य पर्ने ग्यालेक्सी स्मार्टफोन शून्य प्रतिशत ब्याजमा प्राप्त गर्नसकिने कम्पनीले जनाएको छ ।
यसबाहेक ग्राहकले २०८१ को वैशाख १८ सम्म पुरानो डिभाइस एक्स्चेन्ज गरी एन्हान्स्ड ट्रेड–इन बेनिफिटसद्वारा नयाँ ग्यालेक्सी एस२४ सिरिजको फोन लिनसक्ने कम्पनीले जनाएको छ ।
