काठमाडौं । मोरङमा सशस्त्र प्रहरी बलका डीएसपी मृत अवस्थामा भेटिएका छन् । 

कोसी प्रदेश प्रहरी प्रमुख डीआईजी चन्द्र कुवेर खापुङका अनुसार सशस्त्र प्रहरी बलका डीएसपी उपेन्द्र बस्याल कार्यालयमा मृत अवस्थामा भेटिएका हुन् । बस्याल प्रस्तावित सीमा सुरक्षा गुल्ममा कार्यरत थिए ।

सशस्त्र प्रहरी बलका सहायक प्रवक्ता शैलेन्द्र थापाले पनि डीएसपी बस्याल मृत अवस्थामा भेटिएको पुष्टि गरेका छन् । डीएसपी बस्यालले आत्महत्या गरेको शंका गरिएको छ । थप अनुसन्धानपछि वास्तविकता खुल्ने डीआईजी खापुङले बताए । 

उनी वि.स.२०६२ सालदेखि सशस्त्र निरीक्षकबाट सेवा सुरु गरेका थिए ।