काठमाडौं । विद्यालय शिक्षासम्बन्धी कानुनलाई संशोेधन र एकीकरण गर्न बनेको विधेयकमाथि एक हजार ७५८ संशोेधन प्रस्ताव दर्ता गरिएको छ ।

प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिमा छलफलका क्रममा रहेको विधेयकमाथि सो संख्यामा संशोेधन प्रस्ताव दर्ता भएको समितिका सभापति भानुभक्त जोशीले जानकारी दिए ।

विधेयकमा १६३ दफा छन् । तीमाथि १५२ सरोकारवालाका संशोधन प्रस्ताव दर्ता गरिएको हो । प्रस्तावमाथि हरेक बैठकमा १० संशोधनकर्तासँग समितिले छलफल गरिरहेको छ ।

आइतबारको बैठकमा १० संशोधनकर्तालाई छलफलका निम्ति बोलाइए पनि एकजना मात्र उपस्थित भए । संशोधनकर्ता सांसद अम्बरबहादुर थापाले विधेयकमा घरपायक सरुवाको व्यवस्था गर्न नहुने बताए । विद्यालयमा राजनीतिक संघ–संगठनको व्यवस्था पनि राखिनु नहुनेमा उनले जोड दिए ।