काठमाडौं । त्रिदेशीय शृंखलाको आफ्नो तेस्रो खेलमा नामिबियाविरुद्ध नेपालले १९औँ ओभरमा छैटौँ र सातौँ विकेट गुमाएको छ । शुक्रबार कीर्तिपुरस्थित त्रिवि क्रिकेट मैदानमा जारी खेलमा टस हारेर ब्याटिङमा आएको नेपालले दीपेन्द्रसिंह ऐरीलाई छैटौँ र करण केसीलाई सातौँ विकेटको रूपमा गुमाएको हो । 

जारी खेलको १९ ओभर समाप्त हुँदा नेपालले ६ विकेट गुमाएर १७५ रन बनाएको छ । त्यसअघि नेपालले ओपनर आसिफ सेखलाई एक रन र कप्तान रोहितकुमार पौडेललाई व्यक्तिगत १० रनमा गुमाएको थियो । 

यस्तै, अनिल साहलाई २३ र गुल्सन झालाई २६ रनमा गुमाएको थियो । आरिफ सेख ३१ रन बनाएर पभेलियन फर्किए । शृंखलामा यसअघि दुई खेल खेले पनि नेपाल हालसम्म जितविहीन छ ।