काठमाडौं । राष्ट्रियसभा सदस्य खिमलाल देवकोटाले राष्ट्रियसभाको सबैभन्दा राम्रो पक्ष समयमा नै सभा सञ्चालन हुनु रहेको बताएका छन् ।

बिहीबारको सभाको बैठकमा बोल्दै उनले शून्य समयको प्रभावकारिता बढी रहेको भन्दै समय बढाउनुपर्ने बताए । शून्य समयमा एक मिनेटको समय निर्धारण गरिन्छ तर, यसको प्रभावकारिता धेरै नै हुने बताए । उनले बैठकमा रहँदा सांसदहरूले प्रधानमन्त्री, मन्त्रीहरूसँग सवाल जवाफ गर्न नपाए पनि आगामी दिनमा यसले स्थान पाउने अपेक्षा रहेको बताए ।

उनले भने, "शून्य समय एकदमै थोरै हुन्छ तर यसको प्रभावकारिता धेरै नै छ । यसको समय अलिकति बढाउनुपर्छ की भन्ने लाग्छ । मन्त्रीहरूसँग सवाल जवाफ गर्न हामीले सकेनौँ । प्रधानमन्त्रीसँग पनि गर्न सकेनौँ । आगामी दिनमा सुरु होला । यसमा ध्यान दिन जरुरी छ । सभाको सम्झनलायक अनुभव भनेको समयमा नै सभाको बैठक हो ।"

उनले विशेष समयलाई प्रभावकारी बनाउनुपर्नेमा जोड दिए ।