site stats
बाह्रखरी :: Baahrakhari
अर्थ व्यवसाय
Nabil BankNabil Bank
साउनयता विद्युत् वितरणतर्फका नौ सबस्टेसन सञ्चालनमा
Sarbottam CementSarbottam Cement

काठमाडौं । नेपाल विद्युत् प्राधिकरणले चालु आर्थिक वर्षको साउनयता विद्युत् वितरणतर्फका नौ सबस्टेसन निर्माण सम्पन्न गरी सञ्चालनमा ल्याएको छ । ३३/११ केभी क्षमताका नौ वितरण सबस्टेसन निर्माण सम्पन्न गरी सञ्चालनमा ल्याइएको हो । यसबाट सबस्टेसन निर्माण क्षेत्रको विद्युत् आपूर्तिमा सुधार हुनुका साथै चुहावट पनि घटेको प्राधिकरणले जनाएको छ ।

प्राधिकरणका कार्यकारी निर्देशक कुलमान घिसिङले उपभोक्तालाई भरपर्दो, गुणस्तरीय, पर्याप्त र सुरक्षित विद्युत् उपलब्ध गराउन देशभरि नै वितरणतर्फका लाइन र सबस्टेसन निर्माण अभियानका रूपमा सञ्चालन गरिएको बताए ।

Prabhu Bank
Agni Group
NIC Asia

“विद्युत् नपुगेका ठाउँमा विद्युतीकरण गर्न र पुगेका ठाउँको आपूर्तिलाई सुधार गर्न वितरण प्रणालीको विस्तार र सुदृढीकरण व्यापक रूपमा गरिरहेका छौँ,” कार्यकारी निर्देशक घिसिङले भने, “संघीय राजधानी काठमाडौं उपत्यकासहित देशका प्रमुख सहरहरू तथा औद्योगिक क्षेत्रको  विद्युत् आपूर्तिलाई भरपर्दो तथा गुणस्तरीय र भविष्यमा बढ्ने मागलाई सन् २०५० को समयमीमा निर्धारण गरी उच्चस्तरको भरपर्दो र विश्वसनीय विद्युतीय भार बोक्न सक्ने प्रसारण र वितरणतर्फका लाइन र सबस्टेसनहरू चरणबद्ध रूपमा निर्माण अगाडि बढाइसकेका छौँ ।”

यसका निम्ति अहिले सञ्चालनमा रहेकाको स्तरोन्नति, सुदृढीकरण र नयाँ प्रसारणलाइन र सबस्टेसनको निर्माण सुरु गरिएको उनले बताए ।

Global Ime bank

प्राधिकरणले इलामको पश्चिम क्षेत्र र पाँचथरमा विद्युत् आपूर्तिका निम्ति ३३/११ केभीको चिसापानी सबस्टेसन, मकवानपुरको वाग्मती तथा बकैया गाउँपालिकामा विद्युत् आपूर्ति गर्न क्षतिवन सबस्टेसन, म्याग्दीको मंगला, मालिका तथा धौलागिरि गाउँपालिकामा विद्युत् आपूर्तिका लागि दरबाङ सबस्टेसन र नवलपरासी (बर्दघाट–सुस्ता पूर्व)को बुलिङटार गाउँपालिका क्षेत्रमा विद्युत् आपूर्तिका निम्ति बोझपोखरी सबस्टेसन निर्माण गरी सञ्चालनमा ल्याएको छ ।

विश्व बैंकको ग्रिड सोलार तथा ऊर्जा दक्षता परियोजनामार्फत प्राप्त सहुलितपूर्ण ऋणमा मकवानपुरको मनहरी, सिन्धुलीको दुधौली, दोलखाको नाम्दु, ललितपुरको उनिचौरमा वितरणतर्फको ३३/११ केभी सबस्टेसन निर्माण गरी सञ्चालनमा ल्याइएको छ ।

विश्व बैंककै सहुलितपूर्ण ऋणमा रामेछापको बाम्तीमा वितरण सबस्टेसन निर्माण गरिएको छ । उक्त सबस्टेसनहरूसम्म पुग्ने ३३ केभी प्रसारणलाइन र त्यहाँबाट विद्युत् आपूर्तिका निम्ति लाइनहरू पनि निर्माण गरी सञ्चालनमा ल्याइएको प्राधिकरणले जनाएको छ ।

NIBLNIBL
प्रकाशित मिति: मंगलबार, फागुन १५, २०८०  १६:१८
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC