site stats
बाह्रखरी :: Baahrakhari
राजनीति
Global Ime bankGlobal Ime bank
कांग्रेस नेतृत्वलाई थानीले भने– गुट बनाउने कि पार्टी प्रष्ट हुनुस्

ललितपुर । नेपाली कांग्रेसका नेता तथा सांसद हृदयराम थानीले पार्टी मुहानबाटै दूषित भएको बताएका छन् । नेताहरू गुटगत राजनीतिमा रुमल्लिदा पार्टी निर्माणको विषय ओझेलमा परेको उनले बताए । 

“कि गुट बन्छ, कि पार्टी । गुट पनि बनाउँछु पार्टी पनि बनाउँछु भनेर सम्भव छैन,” थानीले भने, “पदाधिकारीको ध्यानाकर्षण गराउँदछु । तपाईंको जीवनशैलीमा आएको परिवर्तनप्रति कार्यकर्ता रुष्ट छन् । जनआस्था र जनआकर्षण पातलिँदै छ ।” 

उनले नेताहरूका प्रतिवेदनमा आएका विषय वाक्य पढ्न आकर्षक भए पनि कार्यान्वयनको नजरबाट अब्बल नरहेको टिप्पणी गरे । प्रतिवेदनमा आन्तरिक एकताको कुरा उल्लेख भएको भन्दै त्यो गुटगत राजनीतिले सम्भव नहुने बताए ।

“प्रतिवेदनमा आन्तरिक एकताका कुरा उल्लेख छन् । एकतालाई मजबुद बनाउने भनेर एकता सम्भव देखिँदैन,” थानीले भने, “मुहानमा समस्या छ तल बिग्रेको छैन । बिग्रेको माथि हो सुधार्नुस् होइन भने तल सुधार्न गाह्रो छ ।” 

थानीले मनपरी तरिकाले क्रियाशील सदस्यता खोस्ने र अन्य पार्टीका विस्थापितलाई सदस्य भनेर महाधिवेशनमा लैजाने कुराले एकतालाई बल नपुग्ने बताए ।

प्रकाशित मिति: बुधबार, फागुन ९, २०८०  १३:५४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro