![आन्तरिक ऋण प्रशासनिक खर्चमा प्रयोग गर्नु हुँदैन : पूर्वअर्थमन्त्री खतिवडा](https://12khari.top/uploads/posts/yubaraj khatiwoda1649579608.jpg)
काठमाडौं । पूर्वअर्थमन्त्री डा. युवराज खतिवडाले सरकारले लिने ऋण प्रशासन चलाउन खर्च गर्न नहुने बताएका छन् । आन्तरिक ऋण उठाएर सरकारले चालु खर्चमा उपयोग गरेको भन्दै यसतर्फ सरकार सजक हुनुपर्ने बताए ।
शुक्रबार मेनेजमेन्ट एसोसिएसन अफ नेपालले आयोजना गरेको कार्यक्रममा खतिवडाले यस्तो खर्च सामाजिक सुरक्षा तथा कर्मचारीको तलब र भत्तामा खर्च हुन नहुने बताए ।
“आन्तरिक ऋण सामाजिक सुरक्षामा खर्च हुनु हुँदैन । प्रशासन चलाउन खर्च हुनु हुँदैन,“ उनले भने, “अर्थमन्त्रीज्यूले ऋण प्रशासन चलाउन खर्च भएको छैन भनेर भन्न सक्नु हुन्छ ? ऋण प्रतिफल दिने आयोजनामा लगानी हुनुपर्छ ।”
सरकारले लगानी सम्मेलन गर्ने भनेको भए पनि वातावरण बनाउन नसकेको खतिवडाको भनाइ छ ।
सरकारले बैंकको ऋण कस्तो क्षेत्रमा गयो भनेर हेर्नुपर्ने पनि उनले बताए ।