काठमाडौं । राज्यव्यवस्था तथा सुशासन समितिले अनुगमन तथा मूल्यांकन सम्बन्धमा व्यवस्था गर्न बनेको विधेयक पारित गरेको छ । 

मंगलबार समितिको सभाहल सिंहदरबारमा बसेको बैठकले विधेयकलाई प्रतिवेदनसहित सर्वसम्मतिले पास गरेको समिति सभापति रामहरि खतिवडाले जानकारी दिए । 

“समितिको अघिल्लो बैठकबाटै हामीले सहमति जुटाएर पास गर्ने भनेका थियौं । आज सामान्य भाषा मिलाउन मात्र केही बेरका लागि बैठक बसेका हौँ । विधेयक सर्वसम्मतिले पास भयो,” उनले भने । 

बैठकको निर्णय सुनाउँदै उनले विधेयक संसद्बाट पारित भइसकेपछि ढिलासुस्ती गर्ने, आयोजना प्रमुख, ठेगदार कम्पनी, कार्यालय प्रमुख, सरकार वा मन्त्रीलाई अनुगमन गर्न सहज हुने बताए । उनले समितिले पारित विधेयक बुधबारपछि बस्ने संसद्को बैठकमा पेस गर्ने पनि जानकारी दिए । 

“भोलि नै फुलहाउसमा पेस गर्ने तयारी भएको थियो । तर, भोलि शीर्ष नेता बोल्ने फेरि पूर्वसांसद तथा हाम्रै पार्टीका केन्द्रीय सदस्यको निधनमा शोक प्रस्ताव पारित गर्नुपर्ने भएपछि पेसन गर्ने सक्ने अवस्था रहेन । अर्को बैठकमा हामी पेस गर्छौँ,” उनले भने ।

यस्तो छ समितिको प्रतिवेदन