काठमाडौं । घरेलु मैदानमा हुने दुई क्रिकेट प्रतियोगिताका लागि नेपाल क्रिकेट संघ (क्यान) ले दुई फरक नेपाली राष्ट्रिय क्रिकेट टिमको घोषणा गरेको छ । 

क्यानले आइतबार फेब्रुअरी ८ देखि १२ सम्म हुने क्यानडाविरुद्धको शृंखलाका लागि र त्यसपछि फेब्रुअरी १५ देखि २४ सम्म हुने लिग–२ शृंखलाका लागि दुई फरक टिमको घोषणा गरेको हो ।

क्यानडासँगको शृंखलाका लागि घोषित टिममा क्यानले भर्खरैमात्र यू–१९ विश्वकप र प्रधानमन्त्री कप खेलेका खेलाडीलाई समेटेको छ । यस्तै, लिग–२ का लागि घोषित टिममा भने पुरानै खेलाडीलाई निरन्तरता दिइएको छ ।

लिग–२ को शृंखलाका लागि क्यानले चार खेलाडीलाई रिजर्भमा राखेका छ । क्यानले प्रतिस जिसी, देव खनाल, अनिल साह र विवेक यादवलाई रिजर्भ खेलाडीमा राखेको छ ।

क्यानडाविरुद्धको शृंखलाका निम्ति घोषित नेपाली टिम :

रोहितकुमार पौडेल, आसिफ सेख, देव खनाल कुशल मल्ल, भीम सार्की, आरिफ सेख, पवन सर्राफ, सोमपाल कामी, हेमन्त धामी, रिजन ढकाल, सूर्य तामाङ, ललितनारायण राजवंशी, आकाश चन्द, अनिल साह ।

लिग–२ का लागि घोषित टिम :

रोहितकुमार पौडेल, आसिफ सेख, कुशल भुर्तेल, कुशल मल्ल, आरिफ सेख, पवन सर्राफ, भीम सार्की, दीपेन्द्रसिंह ऐरी, गुल्सन झा, सोमपाल कामी, करण केसी, ललितनारायण राजवंशी, सूर्य तामाङ, रिजन ढकाल ।